|
"İrəvan Bakıda “hər bir asqırıq” üçün KTMT-yə müraciət etməməli, üfüqi əlaqələr qurmaq və sərhəd məsələlərini ikitərəfli formatda həll etməyə çalışmalıdır"- Şərqşünas Stanislav Tarasov bu fikirdədir. Ermənistan Müdafiə Nazirliyi 12 may çərşənbə günü, “sərhədləri dəqiqləşdirmək” bəhanəsi ilə Qara Göl yaxınlığındakı Sünik bölgəsindəki (Dağlıq Qarabağla əlaqəli olmayan) hissələrdən birində Azərbaycan qoşunlarının sərhədə doğru irəliləmək cəhdini bəyan edib. Erməni hərbçilərinin bildirdiyinə görə, görülən tədbirlərdən sonra Azərbaycan qüvvələri hərəkəti dayandırıb. Vəziyyəti həll etmək üçün danışıqlar aparılır və Rusiya hərbçiləri yerindədir. 14 may cümə günü, Ermənistan Müdafiə Nazirliyi Azərbaycan Silahlı Qüvvələrinin mayın 13-də yenidən Sisyan və Vardenis istiqamətində hərəkət etməyə çalışdıqlarını bildirdi. “Sputnik” informasiya agentliyi xəbər verir ki, Baş nazir Nikol Paşinyan KTMT çərçivəsində Sünik bölgəsindəki vəziyyətlə bağlı məsləhətləşmələrə başlamağı tapşırıb.
Dövlət Gömrük Komitəsinə əməlli başlı çaxnaşma düşüb. Komitənin məsul şəxsləri arasında həbslər başlayıb. Artıq 5 vəzifəli şəxs rüşvət alarkən saxlanılıb. Ekspertlərin fikrincə, həbslər müvafiq komitədə islahatların anonsundan xəbər verir. Hansı ki, islahatlar çərçivəsində komitənin ya hansısa nazirliklələrə bilrəşdirilməsi, ya da rəhbərlikdə istefaların olacağı gözlənilir. Son vaxtlar bu qurumla bağlı mətbuatda çoxsaylı şikayətlər və neqativ fikirlər yayılır. Şikayətlərdə komitə rəhbəri Səfər Mehdiyevin yarıtmaz fəaliyyəti tənqid olunur və istefası tələb edilir. Səfər Mehdiyev isə rəhbərlik etdiyi qurum daxilindəki həbslərlə bağlı hələlik susqunluq nümayiş etdirir. Halbuki bir müddət əvvəl o mətbuat vasitəsilə bəyan etmişdi ki, gömrükdə rüşvət və ya neqativ hallarla bağlı fakt olsa, özü istefa verəcək. Məsələ bağlı iqtisadçı-ekspert Natiq Cəfərli Bizim.Media-ya açıqlamasında Dövlət Gömrük Komitəsində bundan sonra da həbslərin olacağını bildirib: "Çünki gömrük orqanlarının yaranma və işləmə fəlsəfəsi Azərbaycanda düzgün ayarlanmayıb.
Ermənistanın "Qraparak" qəzeti İranda 160 erməni əsgərinin saxlanıldığını iddia edir. SalamNews xəbər verir ki, "Qraparak" qəzetinin məlumatına görə, İran İslam Respublikasında təxminən 160 erməni əsgəri var. Qəzetdə dərc edilən məqaləyə görə, erməni əsgərləri müharibə vaxtı dövlət sərhədini keçərək İran ərazisinə daxil olub və o vaxtdan bəri geri qayıtmayıblar, amma dəqiq harada və hansı statusda saxlanıldıqları barədə məlumat yoxdur. "Bizə məlumat verilib ki, erməni əsgərlərinin geri qayıtması ilə əlaqədar olaraq, İran Ermənistan tərəfinə bəzi şərtlər irəli sürüb, deyəsən onlar da "əsir" saxladıqları əsgərlərdən istifadə etməyə çalışırlar. Müdafiə Nazirliyindən məlumatları rəsmi olaraq yoxlamağa çalışdıq, sual verdik, amma Müdafiə Nazirliyinin İnformasiya və ictimaiyyətlə əlaqələr şöbəsinin müdiri Gevorg Altunyan bu mövzunu heç cür şərh edə bilməyəcəklərini bildirdi. Rəsmi izahat üçün Xarici İşlər Nazirliyinə yazılı müraciət də göndərdik. Cavabını alan kimi təqdim edəcəyik".
Azərbaycan Respublikasının Baş Naziri Rusiya Federasiyasına rəsmi səfər etmişdir. Bu səfərin Avrasiya Birliyinə inteqrasiya sahəsində xeyli məhsuldar olması barədə artıq bu gün konkret söz danışmaq olar. Çünki Azərbaycanla Rusiya arasında 6 sənəd imzalanmışdır: -Azərbaycan Respublikasının Nəqliyyat, Rabitə və Yüksək Texnologiyalar Nazirliyi ilə Rusiya Federasiyasının Rəqəmli İnkişaf, Rabitə və Kütləvi Kommunikasiyalar Nazirliyi arasında rabitə və informasiya texnologiyaları sahəsində əməkdaşlıq haqqında Saziş; -Azərbaycan Respublikasının Qida Təhlükəsizliyi Agentliyi ilə Rusiya Federasiyasının Kənd Təsərrüfatı Nazirliyi arasında baytarlıq sahəsində əməkdaşlıq haqqında Saziş; -Azərbaycan Respublikasının Dövlət Gömrük Komitəsi ilə Federal Gömrük Xidməti (Rusiya Federasiyası) arasında müəyyən növ mallara münasibətdə gömrük nəzarətinin nəticələrinin elektron qaydada qarşılıqlı tanınması haqqında.
Tez-tez yazırlar ki, Qarabağ probleminin yaradıcısı, qızışdırıcısı, ermənilərə silah verən Rusiyadır. Guya Rusiyaya ermənilərlə bizim aramızda konflikt olması sərfəlidir. Guya Rusiya "parçala, hökm sür" siyasəti aparır... Bəri başdan deyim ki, bunlar hamısı yalan və həqiqətin bilərəkdən təhrif olunmuş variantlarıdır. İndisə qısaca izah edirəm. Qarabağ münaqişəsi necə başladı? 1987-ci ildə satqın, Qərb agenti Qorbaçovun erməni müşaviri Aqanbekyan Parisdə erməni lobbisi qarşısında Qarabağın ermənilərə aid olduğu haqda çıxış edəndən və bu çıxış "Humünite" qəzetində dərc olunandan sonra... Bəli, ölkəni satqınların əliylə dağıdırdılar. Ermənilər də xaricdəki lobbilərinə arxalanaraq bu işdə fəal iştirak edirdilər. Qarabağ ermənilər üçün torpaq davası idisə, Qərb imperializmi üçün böyük bir ölkəni parçalayıb dağıtmaq, sərvətlərinə sahib çıxmaq, özünü məhv etmək vasitəsi idi. Həmin proses bu gün də davam edir. SSRİ-ni dağıdıblar, amma böyük və zəngin Rusiya qalıb. Həm də SSRİ xalqları ayılıblar, demokratiyanın tələ olduğunu anlayıblar.
Cüzi istisnalarla Əfəndinin "əfəndicəsinə-zadəgancasına" Avroviziyada soyunub bizi təmsil etməsini təqdir edənlərin əksəriyyəti İsrail-Fələstin qarşıdurmasında İsrailə dəstək verənlərdir. Bu məsələdə də ziddiyyətli, tragikomik mövqe nümayiş etdirirlər. İsrail bir din dövləti olmaqla bütün təcavüzkar addımlarını sionizm və milli zəmində diskriminasiyaya əsasən atır - bizimkilərin anladığına görə isə İsrail sekulyarlığı, müasirliyi müdafiə edir. Qərbli anlayışına görə avropalı üçün qızının evinə oğlan- "boyfriend"i gətirməsi, onunla gecələməsi, oğlu ilə qızının gecə klubunda birlikdə əylənməsi çox normal, adi bir şeydir. Hətta bəzi hallarda səfərə, istirahətə gedən arvadının orada "flirt" eləməsinə belə anlayışla yanaşırlar. Bizdəkilər Əfəndinin soyunmasını bəyənsə, təqdir etsələr də eyni addımı öz ailə üzvləri, övladları üçün rəva bilmirlər. Bu qəbildən uğur qazananlara münasibətdə imkanlıları böyük məbləğdə xərc çəkərək "dünən gecə Miss Azərbaycanı gətizdirmişdim" deməsi ilə forslanır, kasıbları isə virtualda video, fotolarına baxaraq bundan seksual həzz mənbəyi kimi "fayda"lanırlar.
Şəkildə: Moskva, 1991-ci il. Nadir kadr. Şeytanla sövdələşmə. Vətənin satılması. Satan: Mixail Qorbaçov. Alan: Devid Rokfeller. Satılan obyekt: SSRİ.
Stalinin ölümündən sonra barəsində cürbəcür yalanlar uydurub tirajlamaqla sosializmi gözdən salmağı hədəfləyənlər SSRİ dağıldıqdan (dağıdıldıqdan) sonra da sosialist itisadiyyatın guya rəqabət qabiliyyətli olmamasını, səmərəsizliyini və ümumiyyətlə yararsız olduğunu insanların beyninə yeritmək üçün SSRİ-nin dağılmasını iqtisadi amillərlə əlaqələndirməyə cəhd edirlər. Nəzərə alanda ki, SSRİ öz iqtisadiyystının demək olar ən güclü, ən inkişaf etmiş vaxtında "dağıldı", bu iddianın nə qədər boş, çürük olduğunu görmək elə də çətin deyil. Ən çox tirajlanan və "tutuquşuların" tez-tez təkrarlamağı xoşladıqlarl isə guya neftin qiymətinin dünya bazarında kəskin düşməsiylə SSRİ iqtisadiyyatının çökməsi iddiasıdır. Əslində isə neft amili nəhəng Sovet iqtisadiyyatında cüzi çəkiyə malik idi, üstəlik hasilatın çox hissəsi daxili bazarda istifadəyə yönəldilirdi. Bundan da əlavə neftlə xarici ticarət əsasən sosialist düşərgəsi ölkələri üzərindən edilirdi.
Mən və mənim kimilərinin Fələstinə dəstək verməyimizin, Qüdsə görə canımızdan keçməyə hazır olmağımızın səbəbi heç də Fələstinin Qarabağ savaşında bizim tərəfimizdə olması deyil. Biz dünyanın mənfəətpərəslərindən deyilik ki hər şeyi maraqla müqayisə edək. Düzdü, Ermənistana Qarabağ mövzusunda dəstək verən hər bir ölkə, hər bir fərd zalımdı, satqındı, vicdansızdı- bu öz yerində. İndi nə gözəl ki Fələstin prezdentinin mövqeyi bizimlə oldu. Nə gözəl, nə yaxşı! Amma dediyim kimi, səbəb bu deyil. Səbəb odur ki, mənim dinim var, mənim vicdanım var, mən haqqpərəstəm. Prezdentlərlə, ölkələrlə olsa onda mən gərək bugün Məkkəyə, Mədinəyə düşmən kəsiləm ki oranın prezidenti İsraili dəstəkləyir deyə! Yox, Məkkə də, Mədinə də müqəddəsdi.
Hərbi təlimlər zamanı ABŞ-ın iki qırıcı təyyarəsi bir-biri ilə toqquşmuşdur
ABŞ-ın Milli Qvardiyasına məxsus iki qırıcı F-16 təyyarəsi havada toqquşub. Hadisə ABŞ-ın Corciya ştatı üzərində qeydə alınıb.İnsident təyyarələrin təlim uçuşları həyata keçirdiyi zaman baş verib. Məlumata görə, pilotlar vaxtında təyyarələrdən katapult edə biliblər. Yerdə xəsarət alanlar barədə isə heç bir informasiya yoxdur. Milli Qvardiya hadisənin hansı səbəblərdən baş verdiyini araşdırır. Bənzər hadisə 2016-cı ilin ilin mayında da qeydə alınmışdı. ABŞ-da iki hərbi təyyarənin toqquşması nəticəsində dörd ekipaj üzvü xəstəxanaya yerləşdirilmişdi. Hadisə Şimali Karolina ştatının sahillərində baş vermişdi. Məlumata əsasən, sahildən 40 km aralıda, Atlantik okeanı üzərində təlim uçuşu zamanı "McDonnell Douglas F/A-18" tipli iki döyüş təyyarəsi toqquşaraq suya düşmüşdü.
Yerli icra hakimiyyətlərinin tikinti sahəsində nöqsanları və özbaşınalıqları Azərbaycan Respublikasında yaşayan hər bir insana məlumdur. Bunların qarşısı alınmaz dərəcədə mövcud qanunların pozulmasına yönəldilmiş hərəkətlərinə rəvac verən orqanlarla yanaşı elə sadə vətəndaşların özləridir. Vətəndaşların öz hüquqlarını və qanunu bilməməsi tikinti ilə bağlı icra hakimiyyətinin qeyri-qanuni cinayətkar tələblərinin normaya çevrilməsinə səbəb olub. Baxmayaraq ki, son zamanlar Şəhərsalma və Tikinti Məcəlləsinə edilmiş dəyişiliklər, dövlət başçısının müvafiq sərəncamları və tapşırıqları tikinti sahəsində qanunsuzluqların qarşısını almağa hədəflənsə də tikinti sahəsində icra hakimiyyəti orqanlarının hələ də özbaşınalığı davam etməkdədir. Bu sahədə çoxlu sualların olduğunu nəzərə alaraq qeyd etmək istəyirəm ki, hal-hazırda qüvvədə olan qanun tələblərinə görə fərdi mənzil tikintisi üçün icazə proseduru xeyli asanlaşdırılıb.
Son günlər qardaş Türk xalqından biz Azərilərə böyük iradlar, təpkilər gelir. Azəriləri İsrailə dəstək verməkdə ittiham edirlər və qınayırlar. Burdan Türk qardaşlarımızın nəzərinə çatdırmaq istəyirəm ki, burda İsraili dəstəkləyənlər Azərbaycanda yaşayan yəhudilər, ermənilər, onların çörəyi ilə böyüyən bir qrup insanlar və onların toruna düşüb aldanmış bir xeyli dinini bilməyən, cahil insanlardır. Azərbaycanda əsl müsəlman olan hər kəs öz müsəlman qardaşına dəstəkdir, müsəlman düsməni olan bir dövlətə dəstək verməz. *** Bir vaxtlar İran İslam Respublikasını Suriyada və İraqda sünni müsəlmanları qətliam etməkdə ittiham edən bir zehniyyət var idi və həmin zehniyyət hələ də davam etməkdədir. Amma bu gün əhalisinin 99 faizi əhli-sünnə olan Fələstinə hərbi cəhətdən yardım edən, mərdi-mərdanə arxasında dayanan, topla, tüfənglə, raketlə təmin edən yeganə və yeganə müsəlman dövləti İran İslam respublikasıdır.
Xaos, millətçilik, faşizm. Bizim cavanlar elə başa düşür ki, millətçilik dövləti, vətəni sevməkdir. Xeyr. Kor-koranə millətçilik başlayanda: -Dövlət zəifləyir. -Bir qrup saxta, qaragüruh insan baş qaldırır. -Ən yaxşı halda inqilab olur, dövlətin inkişafı dayanır və düşür quyunun dibinə. -Ən pis halda müharibə qaçılmaz olur. Bununla da faşizm qalib gəlir. Belə qaragüruh millətçiliyin iki devizi var: -Hər bir şeyi dağıdıb yenidən qurmaq.Niyə? Necə deyərlər: Stol kəşf olunub, bəlkə sındırmayaq, təkmilləşdirək?! -Mənim millətim dahidir. Qalanları ikinci dərəcəli insanlardır. Bu isə tam faşizmdir. Bunun faciəsini isə belə insanların hərəkətinə susan bütün millət çəkir. Necə ki, Almaniyada bir nəfərin- Hitlerin gic əməllərinə görə bütün Almaniya yerlə-yeksan oldu. 75 milyon insan həlak oldu.
Zəngəzur söhbəti açıq-aşkar ara qarışdırmaqdır. Əminəm ki, Qafqaza yenicə qədəm qoyan sülhü gözü götürməyən atlantist qlobalistlərin fitnəsidir. Çünki sülh olanda qonşu millətlər həqiqəti dərk edəcək, dava-dalaşı, qan tökməyi dayandıracaq, münasibətlər normallaşacaq, bölgədə əmin-amanlıq, inkişaf olacaq, -ən əsası!- insanlar bunları yaradanların kim olduğunu biləcək. Ardınca Avrasiya ideyasına, Avrasiya Evinə maraq güclənəcək və birqütblü dünya yaratmaq istəyən ingilis-amerikan qlobalistlərin bazarı bağlanacaq... Ona görə də həm erməni millətindən olan cəsuslarını, həm də bizim axmaqları qızışdırıb yeni mübahisələr, təxribatlar, münaqişə ocaqları yaratmağa çalışırlar ki, buralara rahat girsinlər və göstərsinlər ki, onlar olmasa, biz adam kimi yaşaya, işləyə, qonşuluq edə bilmərik.
Ən müasir texnoloji vasitələrə, dünyanın ən güclü təhlükəsizlik, kəşfiyyat sisteminə malik, Qəzza sektorunu həm dəniz, həm də qurudan 10 illərdir blokadada saxlayan İsrailin gözündən yayındırıb 10 minlərlə raket, silah, sursatı oraya gizli şəkildə çatdıran Iran bizə gələndə "əfəllik" edir. Qəzza sektorundan fərqli olaraq Azərbaycan və Ermənistanla birbaşa quru sərhəddi olan mollalar düşmənimizə silah verəndə bizdə "radara" düşürlər. Ölkəmizin təhlükəsizlik strukturlarının deyil, sosial şəbəkə qəhramanlarımizın ağzı köpüklənərək etdikləri gülünc və sərsəm böhtan "radarlarına". İsrail təhlükəsizliyi gəlib düşmən silahlarının daşınma trafikini uğurla aşkarlama metodlarını Hamam Times, Double Fun, Aslan İsmayılov, Günaz kimi "peşəkar"lardan, işi, gücü "sponsorlu" olaraq İranı söymək olan bir sıra "əxi", etnik millətçilərdən öyrənsinlər.
Bizim toplum gücə sitayiş etməyi sevir. Heç təsadüf deyil ki, əksəriyyətimiz korrupsioner, rüşvətxor birisinə nifrət etmək əvəzinə onun yerinə olmağı arzu edir. Belə adamları məclisində yuxarı başda oturdur. Qızının “həri”sini belə bir qohumu ilə məsləhətləşmədən vermir və s. Azərbaycanda heç bir vaxt antisemitizm olmayıb (İnşallah, gələcəkdə də olmaz). Tam əksinə, xüsusilə də, müstəqillik dönəmindən bəri yəhudilərə qarşı güclü simpatiya olub. Bu simpatiyanın bir çox səbəbləri var. Azərbaycan dövlətinin İsraillə əla münasibətlərinin olması, İsrailin bu münasibətlərdən dolayı ölkəmizdə kifayət qədər güclənməsi və əlindəki imkanlardan istifadə edərək media ilə, xüsusilə sosial media ilə əla işləməsidir. Lakin əsas səbəb başqadır. Azərilərin yəhudilərə əsas simpatiya səbəbi zehinlərində yəhudilər haqqında formalaşan düşüncələridir. Yəqin siz də toyda-yasda “dünyada bir nəfər də olsun kasıb yəhudi yoxdur” tipli söhbətlərə qulaq şahidi olmusuz.
|
Əvvəlki səhifə 