|
✳17 mart 1991-ci ildə SSRİ-nin saxlanması haqda referendum keçirilərkən Azərbaycan xalqının 93 faizi SSRİ-nin saxlanmasına, yəni Azərbaycanın SSRİ-nin tərkibində olmasına səs vermişdi. Odur ki, Azərbaycanın Rusiya ilə birləşməsi və Avrasiya Birliynin tərkibinə girməsi tam qanunidir. Yeri gəlmişkən, həmin referendumda Ermənistan əhalisinin 99 faizi bizdən fərqli olaraq Ermənistanın SSRİ-dən ayrılmasına və müstəqil olmasına səs vermişdi. Ermənilərdən bizim fərqimiz də bundadır: biz mentalitetcə avrasiyaçı, rusiyaçı, russevər, slavyanofil olsaq da, ermənilər mentalitetcə atlantist, NATO-çu, Qərbpərəst və antirusdurlar. Çünkü bizim tarixi kodlarımız rus sivilizasiyası ilə, onların tarixi kodları isə romano-german sivilizasiyası ilə bağlıdır. ✳Azərbaycanda Fətulla Gülənin gəlinlərindən dolanan jurnalistika 30 ildi xalqa təlqin etmək istəyir ki, rus – düşməndir.
Bir neçə gün qabaq nəvəmi Bakıya həkimə aparmalı oldum. Şoferlə geri qayıtmaq vaxtını təyin etdik, 5 saat vaxtımız var idi. Fikirləşdim yaxşı bir məqamdır, bu müddətə 9 yaşlı nəvəmi paytaxtımızın görməli yerləri ilə taniş edərəm. Beləliklə, gəzintiyə bulvardan başladıq. Qız qalası haqqında məlumat verdim və Kukla Teatrının yanlndakı keçiddən əsas görümlü yerləri göstərməyə, xatirə şəkilləri çəkməyə başladıq. Qısa onu deyərəm ki, (yeni tikilmiş hündürmərtəbəli binaları çıxmaqla) rastlaşdığım mənzərələr ürək açıcı olmadı. Sanki tanıdığım Bakıya deyil, tam başqa bir ölkənin şəhərinə düşmüşdüm. İlk növbədə Fəvvarələr Meydanı adlanan yerdə müxtəlif dairələrdə çiyinlərində çanta gəzdirən velosipedli gənclik diqqətimi cəlb etdi. Hətta bir gənc çantanın ağırlığından yerə yıxılmışdı.
Birinci Qarabağ Müharibəsində azərbaycanlı əsirlərə işgəncə vermiş və digər hərbi cinayətlər törətmiş erməni hərbi canilər - Mkrtiçyan Lüdvik Mkrtiçoviç (“Lyoxa”) və Xosrovyan Alyoşa Aramaisoviçin (“Lyoşa”) cinayət işi üzrə növbəti məhkəmə prosesi keçirilib. Virtualaz.org-un xəbərinə görə, Bakı Hərbi Məhkəməsinin hakimi Elbəy Allahverdiyevin sədrliyi ilə keçirilən məhkəmə prosesində şahidlər dindirilib. Şahid qismində məhkəmədə ifadə verən hərbi qulluqçu Ceyhun Vəlibəyov deyib ki, Vətən müharibəsi zamanı A.Xosrovyan Cəbrayıl istiqamətində kəşfiyyat xarakterli hərəkətlər apararkən Azərbaycan ordusunun hərbi qulluqçuları tərəfindən ələ keçirilib: "Həmin ərazidə döyüş əməliyyatlarında iştirak edirdik. UAZ markalı avtomobilin bizə tərəf gəldiyini gördük. İçərisində hərbi formada bir nəfər vardı. Maşını saxladıq, içərisindəki həmin bu Alyoşa Xosrovyan idi, maşında silah-sursat da var idi".
Dünyanın iqtisadi balansına dəqiq baxsaq, bəzi liberalist çobanların Qərbin saxta inkişaf etmiş iqtisadiyyatını göylərə qaldırmaq üçün dezo və mutfilm nağıllar danışmasını aydın görərik. Rusiya və Çinin valyutasını lağa qoyaraq elə fikir yaradırlar ki, guya Qərb ölkələri ilə iqtisadi əlaqələr olmasa dünya ölkələri ölər. Bu gülünc nəzəriyyələri asanca alt-üst etmək olar. Misal üçün, götürək Yaponiyanı. Yaponiya iqtisadiyyatı dünyanın ən böyük 3-cü qtisadiyyatıdır. Amma valyuta sisteminə baxın! 1 dollar 110 yapon yeni edir. Yəni ölkələrin iqtisadi tempi nə valyutadan, nə də ki Qərbdən asılı deyil. Yaponiyanın inkişafınada heç bir ABŞ və Avropa ölkəsi investisiya ayırmayıb. Müasir Yaponiya iqtisadiyyatı Edo dövründə böyüməyə başlamışdır. Ümumi Daxili Məhsul (ÜDM) 4 trilyon dollardır. İndi Avropa ölkələrinin iqtisadi tempinə baxaq.
Dünən erməni əsilli Ukrayna vətəndaşı, vicdanlı alim-araşdırmaçı, ermənilərin yalanlarını, ingilislərin əlində alət olduqlarını mütəmadi olaraq ifşa edən fb dostum Filipp Ekozyans rus dilində təxminən belə bir status yazmışdı: "11-ci əsrdə Qafqaza köçüb gəlkdikləri deyilən köçərilər aradan keçən min il ərzində niyə heç yerə köçməyiblər?.." Sual əlbəttə, ritorik, yumoristik və ironik idi... Ancaq mən bu sual üzərində dayanmacaq, ona cavab verməyəcəyəm. Çünki Filippin statusunun altına şərh yazan çoxsaylı azərbaycanlılar bu suala xeyli səviyyəli və savadlı cavablar vermişdilər. Odur ki, heç ora da nəsə yazmadım... Ancaq rusca hələ də bu qədər savadlı yazmağı bacaran, ağıllı, bilikli, mühakiməli, məntiqli soydaşım olduğuna görə fəxr etdim. Və bir daha əmin oldum ki, Azərbaycanın intellektual eltiası, ziyalı təbəqəsi hələ də əsasən rusca oxuyan, yazan və danışan azərbaycanlılardır. Onların adlarına və soyadlarına baxdım, hamısı xalis azərbaycanlı idi.
“Peyvəndlərdə 3 heyvanın- şimpanze meymunu, donuz və siçanın geni var”
"Koronavirus infeksiyası deyilən xəstəlik yoxdur, insanlar kimyəvi silahla xəstələndirirlər, bu maddə hava ilə səpilir. İndiki vaksinlərin tərkibində şimpanze meymunu, donuz və siçan genləri var". Uzun müddət Moskvada yaşayıb işləmiş psixiatr Abdulla Şıxlınski dünyada bir çox mütəxəssislər kimi pandemiya və koronavirusun varlığına inanmayan və hər şeyin düşünülmüş ssenari olduğuna inanan insanlar qrupuna daxildir. O Azərbaycanda, əslində, pandemiyaya ehtiyac yaradacaq bir vəziyyətin olmadığını deyir. Deyir ki, nəinki pandemiya, heç epidemiya da olmayıb. “Koronavirus adlanan virus 1950-ci ildən elmə məlumdur, o ağır xəstəlik, özü də belə pandemiya törətmək qabiliyyətinə malik deyil, bu virus impotentdir. İmpotent - yəni heç bir qüvvəsi olmayan.
Enerji içkiləri bazarında antiinhisar qanunvericiliyinin pozulması əlamətləri üzrə iş başlanılıb. Demokrat.az xəbər verir ki, bu barədə İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti tərəfindən məlumat verilib. Bildirilib ki, “Avrora” MMC tərəfindən istehsal olunan “BİZON energy” alkoqolsuz içkilərinin üzərində “ENERGY” və “CHARGE YOUR POWER” sözlərinin istifadə olunması istehlakçılarda həmin məhsulun enerji içkisi olması təəssüratının yaradılması, xassələri və keyfiyyəti barədə düzgün olmayan məlumatların verilməsi əlamətləri müəyyən edilib. Alkoqolsuz içkilərin tərkibində insan orqanizminin mərkəzi sinir sistemini stimullaşdırmaq xüsusiyyətinə və antisedativ təsirə malik olan kofein, taurin, qlükoronolakton, amin turşuları, B qrupu vitaminlər və s. kimi maddələrdən və ya bitki ekstraktlarından ən azı ikisi mövcud olduğu təqdirdə, həmin alkoqolsuz içkilər enerji içkisi hesab edilir.
Bakı Slavyan Universitetinin sabiq rektoru Nurlana Əliyeva haqqında yazılanlara münasibət bildirib. Manset.az-a açıqlama verən N.Əliyeva onun haqqında yazanlara, danışanlara qarğış edib: “Yazmağa mövzu tapmırlar. Bu dünyada yeganə mövzu Bakı Slavyan Universitetidir. Müharibədən çıxmış ölkəmiz gözəl günləri yaşayır. Bu gözəl günlərə özünü həsr eləmiş insanlar var. Canını bu torpaq uğrunda qurban verən qəhrəman oğullarımızdan yazsınlar. Mən artıq bu şeylərdən yorulmuşam. Ərizəmi də yazdım, indi məndən nə istəyirlər? Kim mənim haqqımda nə yazırsa, cavabını Allahdan alsın. Həqiqəti yazmayanlar Nurlana xanım kimi ədalətsizliyə tuşlansınlar. Mənim haqqımda çox şey yazırlar, nə olsun? Yazırlar ermənidir. Nurlana xanımın hər gün oxuduğu "Ayətəl Kürsü"lər, hər gün oxuduğu dualar onlara qənim olsun. Nurlana xanımın nənəsi Tutbəyimin, Hacı seyidin cəddi onlara qənim olsun. Allahdan alsınlar paylarını. Nurlana xanım peşəkarlıqla, vicdanla, insan kimi, ölkənin anası kimi işlədi. Mən peşəkar pedoqoji təhsil təşkilatçısı kimi çalışdım.
Sadəlöhv həmvətənlərimizin bəziləri hələ də Elçibəyi milli qəhrəman səviyyəsinə qaldıraraq mədh edirlər. Elçibəy olsa-olsa Türkiyə xalqının milli qəhrəmanı ola bilər, Azərbaycan xalqının yox. Onun sayəsində Azərbaycan xalqı ac qalsa da milli sərvətlərini Türkiyə, ardınca da İsrail yedi. Məhz onun vaxtında Azərbaycan xalqının adı dəyişdirilərək “türk”, dilimiz isə “türk dili” adlandırıldı. Elçibəy xalqçılıq əvəzinə radikal millətçilik yaydı. Bununla da etnoslar arasında narazılıq yaradıldı, talış və ləzgi separatizmi baş qaldırdı. Azərbaycan dağılmaq təhlükəsi ilə üzləşdi. Müharibədə bacarıqsızslığı və dövlət idarəçiliyindən baş çıxara bilməməsi Surət Hüseynovun qiyamı ilə nəticələndi, çoxlu nahaq qanlar töküldü.
Əbülfəz Elçibəyə nifrət edənlərlə müqayisədə sevənlər dəfələrlə çoxdur. Nə qədər qəribə olsa da nifrət edənlərin böyük əksəriyyəti onu çox yaxşı tanıyan keçmiş silahdaşlarıdır. Daha qəribəsi odur ki, Elçibəyi ideallaşdıranların mütləq əksəriyyətinin onun fəaliyyətindən, atdığı addımlardan, verdiyi bəyanatlardan heç bir anlayışı yoxdur. Bir onu bilirlər ki: "Ə.Elçibəy təmiz adam idi, Azərbaycanı demokratikləşdirmək, inkişaf etdirmək, bütöv Azərbaycan yaratmaq xəyalları vardı və buna qiyam qaldıran Sürət Hüseynov imkan vermədi. Özünün Bakıya dəvət etdiyi Heydər Əliyev isə ona kömək eləmək əvəzinə, qiyamçı ilə birləşdi". Bu cür adamlara həqiqəti izah etməyə çalışmaq, uydurulmuş yox, real tarixi qəbul etdirmək çox çətindir. Nə qədər arqument gətirsən də inanmayacaqlar ki, prezident Ə.Elçibəyi nə S.Hüseynov, nə də digərləri yıxmadı. Onu yıxan elə Ə.Elçibəyin özü oldu. Bir il ərzində hakimiyyətdə olub o qədər dəhşətli səhvlər buraxan şəxsin hakimiyyətdə qalması mümkün deyildi.
Maksim Şevçenko: "Azərbaycanlılar hətta İrəvanın mərkəzində rahat yaşayacaqlar"
"Reallıq ondan ibarətdir ki, ermənilər Qarabağ klanına qarşı nifrət etdiklərini bütün dünyaya sübut etdilər. Azərbaycan torpaqlarının işğaldan azad edilməsindən sonra Qarabağ klanının Zəngilan qızılını qeyri-leqal istismarı etməsi faktları bizə məlum oldu. Öyrəndik ki, uzun illər İran sərhədindən və işğal olunmuş Azərbaycan torpaqlarından qaçaqmalçılıq karvanları keçirmiş". Bu barədə Rusiyanın tanınmış siyasi xadimi Maksim Şevçenko “Krallar və piyadalar” (Koroli i Peşki) verilişinin efirində bildirib. Onun sözlərinə görə, Qarabağ klanı bu işğal illəri ərzində milyonlara sahib oldu, erməni xalqı isə səfalət içində yaşadı: "Bütün bu illər ərzində Rusiya, Amerika və ya Fransadakı saraylarda əyləşən harınlamış erməni milyonçuları “onların millətinin Tiqran nəslindən olduğunu”, “böyük Ermənistanın müqəddəs torpaqları uğrunda ölmək lazım olduğunu” deyirdilər.
Müharibədə uduzmuş Paşinyanın seçkidə qələbə qazanması ermənilərin çoxunun savaş istəmədiyini göstərir. Müharibə istəmirlərsə, deməli, çoxunun Qarabağda gözü də yoxdur. Əlbəttə. Nəylərinə lazımdır Qarabağ!.. Sadə insanlara əmin-amanlıq, sabitlik, güzəran, çörək, övladlarının sağ-salamat və yanlarında olması vacibdir. Bizdə burada müəyyən dairələr tərəfindən nə qədər "xoxan" kimi qələmə verilməyə çalışılsa da, erməni də insandır, onun da dərd-səri, balası var... Həm də unutmayaq, erməni pisdirsə, biz yaxşı ola bilmərik. Çünki qonşuyuq, oxşar xüsusiyyətlərimiz, cəhətlərimiz çoxdur. Musiqimiz, ritmlərimiz, rəqslərimiz, mətbəximiz, demək olar birdir. Ermənilərlə bizim təkcə dil və din ayrılığımız var, qalan məsələlərdə istənilən türkdilli xalqdan onlara daha yaxınıq. Bu qədər ortaq dəyərləri olan iki millət bir-birini niyə qırsın axı.
|
Əvvəlki səhifə 