İlkin Rüstəmzadə Xədicə İsmayıla: “BÜTÜN HƏYATIMI SINDIRDI...” - skandal

“Sabah Xədicə kimə korrupsioner desə, biləcəm ki, məsələ başqadır”

Keçmiş NİDA üzvü, siyasi fəal İlkin Rüstəmzadə jurnalist Xədicə İsmayıl barədə ittihamlar səsləndirib.
Musavat.com xəbər verir ki, uzun müddət yaxın dostluq münasibətlərində olduğu jurnalisti bir neçə epizoddan sonra tanıdığını yazan İ.Rüstəmzadə ictimai sektordakı gənclərə də ondan uzaq olmağı tövsiyyə edib.
“Xədicə İsmayılı tanıyandan sonra İlham Əliyevə hörmətim artıb” yazan gənc fəal daha sonra fikrini belə əsaslandırıb: “Sabah Xədicə kimə korrupsioner desə, biləcəm ki məsələ başqadır. Çünki Xədicə İsmayıl tənqid etdiyi adamların hamısından rəzil, hamısından alçaq adamdır”.
İlkin Rüstəmzadə eyni zamanda Xədicə İsmayıl tərəfindən aldığı xain zərbələrin tarixçəsindən də bəhs edib. Gənc fəalın başına gələnlərlə bağlı sosial medi hesabında yazdığı statusu təqdim edirik:
“Keçmiş həyat yoldaşımla aramızda hər ailədə olan dava olmuşdu. Qız bir az emosional davranmışdı. Davadan 2 gün sonra Xədicəgilə getdim. Evinin yanındakı işıq dirəklərinə çatanda taksidə ona yazdım ki, gəlirəm sizə, qızı götürəcəm. Bir təşkilatla danışmışdım, gedəcəydik 6 aylıq Hollandiyaya. Ordan da Norveçə təhsil almağa. Xədicə mənə yazdı ki, barışmağa cəhd eləsən, səni məhv edərəm. Skrini var. Dirəşsə gözünə soxa bilərəm. Qız hamilə idi. Xədicə ona dirəndi ki, uşağı aldır, İlkindən ayrıl. Sonra qızın qulağındakı kiçik göyərməni (həmin davada mənim də başım yarılmışdı) telefonla çəkdi. Göndərdi bütün insan haqları təşkilatlarına, Bakıdakı səfirliklərə. Bir anda bütün həyatım sındı. Maddi vəziyyət sıfır. Artıq ölkədən çıxmaq üçün viza ala bilmirdim. Xədicənin evində səs yazısı yayıldı, ötürdülər DTX-ya. Xədicədən 50 dəfə soruşdum, səsi kim yazıb? Cavab verdi ki, mən İlkini silmişəm. Silmisən, cəhənnəmə sil. Səsi kim yazıb DTX-ya ötürüb? Sonra Xədicə qızı evindən qovdu (!). Sonra qız peşman oldu. Amma artıq çox gec idi. Mən artıq siqaret pulumu atamdan alırdım. Ailə saxlamağa gücüm yox idi. Həm də mənə qarşı biabırçı səs yazısı yayılmışdı. Və ard-arda biabırçı səhvlər etdim. İnsanam da. Hər tərəfdən küncə sıxılmışdım. Bir tərəfdən hökümət, bir tərəfdən də Xədicə. İndi siz deyin, mənmi daha əxlaqsızam, yoxsa Xədicə İsmayılmı?”
İ.Rüstəmzadə bəzi dostlarının ona əvvəlki kimi sərt yazmaması ilə bağlı irad ünvanladıqlarını da bildirib. O isə öz növbəsində bunu aşağıdakı şəkildə cavablandırıb: “Birincisi, bu ölkədə hələ də birinci şəxsi adıyla tənqid edən azsaylı siyasi fəaldan biriyəm. İkincisi, konkret nə istəyirsiz? Yazıram mitinq edək, məsuliyyəti üstümə almağa hazıram, uzağı 50 nəfər dəstək verir. Sabahdan... söyüş də söyüm, nə olacaq? Məni tutacaqlar. Xədicə İsmayıl götürüb beynəlxalq təşkilatlara yazacaq ki, İlkin hakimiyyətə işləyir. Onun sözünün qarşısında nə edə biləcəksiz? Nə deyəcəksiz? Yalandı, şərdi, hə, sonra? Mənim güya zorakılıq etməyimlə bağlı hadisədə kim nə edə bildi ki? Bütün həyatımı sındırdı, rəzil. Tam səmimi deyirəm, artıq hakimiyyətə satılan adamları qınamıram. O tərəfdə İlham Əliyev, bu tərəfdə Xədicə İsmayıl... Adamlar işıq olan tərəfə gedirlər”.
шаблоны для dle 11.2
03-03-2021 19:05 Baxılıb: 2240    
Şərh bildir
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
yenilə, əgər kod görünmürsə
{sape_links}{sape_article}