|
Bakı Ağır Cinayətlər Məhkəməsində mədəniyyət nazirinin sabiq müavini Rafiq Bayramovun cinayət işi üzrə məhkəmə iclası davam etdirilib. report.az xəbər verir ki, hakim Əfqan Hacıyevin sədrliyi ilə keçirilən prosesdə prokuror ittiham aktını elan edib. İttihama görə, təqsirləndirilən şəxs ümumilikdə 1 milyon 800 min manat rüşvət alıb. Daha sonra R.Bayramov elan olunmuş ittihamlarla özünü qismən təqsirli bilib. Qeyd edək ki, rəsmi məlumata görə, Mədəniyyət nazirinin müavini Bayramov Rafiq Yasin oğlu və Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi Sultanov Zakir İmran oğlunun vəzifə səlahiyyətlərindən qəsdən qulluq mənafeyinə zidd olaraq istifadə edib cəmiyyətin və dövlətin qanunla qorunan mənafelərinə, vətəndaşların hüquqlarına mühüm zərər vurub.
Hər nə qədər "gənclərin istirahət və əyləncə mərkəzi" kimi təqdim edilsə də, barlar, diskotekalar həmişə bir çox cinayətlər üçün, xüsusən də, fuhuş və narkotik üçün zəmin yaradıb. Bu, belə demək mümkünsə, qaçılmazdır. Müasir quldarlar (kapitalistlər) bunu çox gözəl bildikləri üçün müxtəlif adlar altında mütəmadi şəkildə bunun təbliğatını aparırlar. İstəkləri budur ki, bütün cəmiyyətlərdə barlar, diskotekalar fəaliyyət göstərsin. Göstərsin ki, gəncləri istirahət, əyləncə adı altında fuhuşa, narkotikə cəlb edə bilsinlər, mənəviyyatsız cəmiyyət formalaşdıra bilsinlər. Beləcə insanları özlərindən asılı vəziyyətə salsınlar. Barların, diskotekaların fəaliyyətinə münasibət müxtəlif cəmiyyətlərdə müxtəlif cürdür. Bu cəmiyyətləri ümumiləşdirib əsasən 3 yerə bölmək olar: 1. Buna normal və hərtərəfli yanaşan cəmiyyət. Bu anormal cəmiyyətdir.
Təkcə aborigen siyasətçilər deyil, əcnəbi qurumların neft qoxusuna buralara təşif buyuran başbilənləri də məsuliyyət hissini tam itirərək tez-tez son onilliklərin biabırçılıqlarını şərh edəndə bir sakramental cümlə işlədirlər: “Bunların hamısı totalitar Sovet rejiminin qüsurlu praktikasının təkrarıdır”. De-yure 21 ildir SSRİ yoxdur, ancaq yenə də günahkardır. Nəsil yenilənib - hələ də bugünkü bədnam dünya düzəninin baiskarları insanları SSRİ ilə qorxudurlar. SSRİ-siz yaşanan bu illərdə mənə bircə sahə göstərin ki, sosializmin qürubu ilə irəliləyiş edib. Ədəbiyyatından mədəniyyətinə, siyasətindən iqtisadiyyatına, demoqrafiyasından qanunvericiliyinə qədər hamısı mənfidədir. Baiskar isə yenə də SSRİ-dir. Şərqi Avropa və eks-SSRİ-nin yerində peyda olmuş, neoliberal reseptlərlə idarə olunan dövlətlərin hamısında vəhşi kapitalizm və insanların hüquqsuzluğudur..
Oğlum danışır ki, Türkiyədə təhsil alanda tələbə yoldaşımın anasına zəng elədim, dedim, bir şey söyləyəcəm, qeyd aparın, oğlunuz gələndə çatdırarsınız. Qadın qayıtdı ki, mən yazmağı bacarmıram. Deyir fikirləşdim ki, mənim nənəm müəllimədir, anamın bibiləri, dayıları, əmiləri hamısı oxumuş adamlardır. Bəs bunların hamısı haradan gəlir? Rus imperiyasının tərkibində olmağımızdan, onların təhsilə verdikləri önəmdən... Məsələyə bir az insafla yanaşın. Rusu söyməyə nə var ki? Rusları söymək asandır. Müqayisə edin, biz haradan qopmuşuq? İran dövlətinin bir parçasıyıq, o vaxt müharibədə uduzublar, biz bu tərəfə gəlmişik. Böyük ictimai-ədəbi xadimlərimiz Əhməd bəy Ağaoğlu, Əli bəy Hüseynzadə rus dilində təhsil alsalar da, gedib Osmanlının içində türkçülüyün əsasını yaratdılar. Sovet dövründə ədəbi dilimiz formalaşdı.
“Putinlə Baydenin görüşü tet-a-tet formatında keçirilməlidir, çünki orada iki lider dünyanı bölüşdürəcək. Tərcüməçilər istisna olmaqla, hər kəsin otaqdan çıxarılması gərəkəcək. Danışıqlar bitəndən və nüfuz zonalarının bölüşdürülməsindən sonra tərcüməçilər güllələnməlidir ki, heç kəs iki liderin nədən danışdığını bilməsin”. Bu barədə “Rossiya-1” telekanalında “Vladimir Solovyovla axşam” verilişinin efirində Rusiya Liberal Demokrat Partiyasının lideri Vladimir Jirinovski deyib. Onun sözlərinə görə, görüş zamanı liderlər dünyanı təsir zonalarına bölməli olacaqlar: “Yaxın və Uzaq Şərqdə hər şey aydındır. Amma Moldovanın bir hissəsinin Rusiya, digərinin isə Rumıniyanın təsiri altına keçəcəyi ilə bağlı mübahisə aparmaq lazım gələcək. Həm də Ukraynanın 6 qərb bölgəsini vermək məcburiyyətində qalacağıq. Burada Lvov paytaxt olacaq. Ukraynanın bütün qalan hissəsi isə Rusiyaya keçəcək. Belarus tam olaraq Rusiyanın nəzarətində olacaq. Bu sözsüzdür. Baltikyani ölkələrdə sərhədlər dəqiqləşdiriləcək. Tallinə köhnə adını – “Revel”i qaytaracağıq, Tartu isə onsuz da Rusiya şəhəri kimi tanınırdı.
Sovetlər qanımızı içirdi deyə dünyada heç kim bizi tanımırdı. Hə, yadımdan çıxmışdı, bircə Hitler tanıyırdı, onu da vurub aşırtdılar. Artıq 30 ildir neftimizi-qazımızı darmavoy veririk ki, dünyada yaxşı tanısınlar. Azlıq elədi, şəhərin yaxşı yerlərini ingilisə, türkə, ərəbə azad zona (+18) peşkəş elədilər ki, gəlib yaxşı-yaxşı gəzib, keyf eləsinlər, gedəndən sonra da dünyada bizi yaxşı tanıtdırsınlar. Elton Conun iki mahnısına verilən pula o vaxtki qiymətlərlə 100-lərlə ailənin ev problemini həll etmək olardı. Amma boşşşeydi, əsas məsələ Eltonun gedəndən sonra bizləri dünyada yaxşı tanıtmağı idi. "Bakı 2015"-də Avropanın iudey idmançılarını bura yığıb əyin-baş, yemək-içmək, təyyarə-otel havayı verdilər - əsas odur ki gedəndən sonra dünyada bizi tanıtsınlar. Ledi Qaqa kimi qəhrəmanlıqda ad çıxarmış sənətkarı da gətirib oxutdurub, 3-4 milyon da ona verdilər.
Deputat Zahid Oruc deyib ki, Şəhidlər Xiyabanı üzərindən keçib, Ermənistanın yer aldığı bir hərbi ittifaqda təmsilçiliyimiz adekvat qarşılanmaz... Zahid Oruc çoxlu başqa şeylər də söyləyib və Rusiyanın Azərbaycanı KTMT-yə dəvətinə bir növ "rəsmi" cavab verib. NATO-dan zaddan dəm vurub, "qoşulmamağa" üstünlük verməyin düzgünlüyünü vurğulayıb... Zahid Orucun heç vaxt öz sözü olmayıb və həmişə sifariş yerinə yetirib. Savadına və qabiliyyətinə rəğmən, hörmətsiz adam olması da bununla bağlıdır... Bir şeyi qeyd etməsəm, bağrım çatlayar. Bunlar həmişə öz merkantil, məhdud, cılız maraqları üçün Şəhidlər Xiyabanından istifadə ediblər. Şəhidlər Xiyabanı bunların geostrateji layihəsidir - təşkil ediblər və hər çətinə düşəndə əllərində dəstəvuz edir, o günahsızların goruna yalandan and içirlər.
Bizim dövrümüzdə avrasiyaçılıq ideyası get-gedə daha çox tərəfdar toplamaqdadır. Bu bir tərəfdən SSRİ-nin dağılmasından sonra yaranmış ölkələrdə baş alıb gedən dövlətçilik krizis fonunda təəccüblü deyil, bir tərəfdən Avrasiyanın mərkəzi ölkəsi olan Rusiya parametri boyunca beynəlxalq gərginliyin artması ilə bağlıdır. Məsələ ilə bağlı müasir reallıqlara toxunmaq istəmirəm, amma diqqəti avrasiyaçılığın köklərinə yönəltmək, onun tarixi qanunauyğunluğu və qaçılmazlığını göstərmək istəyirəm. Avrasiya adlı materikin iki hissəyə bölünməsi əslində şərtidir. Yeri gəlmişkən, Avropa və Asiya arasında olan sərhəd heç də həmişə Ural dağlarından və Ural çayından keçməyib. Bu sərhədi Tatişev 1720-ci ildə təklif etmişdir. Antik dövrlərdə Avropa ilə Asiya arasında sərhədi Egey dənizi hesab edirdilər ki, başadüşüləndir. Yunanlar üçün bura əsas ticarət və dənizçilik mühiti idi, Krımın şimalından o yana isə onlar keçmirdilər.
Bəzilərinin bu kiçiklik, balacalıq, yaltaqlıq sindromu nə vaxt bitəcək görəsən? Türkiyə vətəndaşlarına istər realda, istər sosial şəbəkələrdə, istər youtube portalının şərhlərində fikir verirəm, yazdıqlarını oxuyuram. Adamların 90%-ində konkret "Türkiyə olmasa Azərbaycan batar" təfəkkürü formalaşıb. Halbuki əksinədir. Demirəm Azərbaycan olmasa Türkiyə batar, amma neft-qazı olmayan bir ölkəyə nefti və qazı "şor qiymətinə" verməyimiz bəs edər. Başqa 100 dənə şey sayaram, sadəcə yazı uzanar deyə üstündən keçirəm. Adamı ən çox da yandırıb tökən "kakoy ta" qulağı sırğalı "şampunçiklərin" azərbaycanlı qız-gəlinlərə şərhlərdə "merhaba küçük hanım, sonuna kadar sizinleyiz" yazıb padxod eləməyi, bir də Azərbaycan kişilərinə " Ulan Türkiye olmasaydı ermeniler Bakünü alırdı" deyib minnət qoymaqlarıdır.
“Ermənistanda sabiq prezident Koçaryanı nəinki sevmirlər, ona ürəkdən nifrət edirlər”. Azpost.info bildirir ki, bu sözləri Erməni Ümumilli Hərəkatının İdarə Heyətinin üzvü Vardan Malxasyan 1am saytına müsahibəsində deyib. Malxasyan maraqlı bir müqayisəni misal gətirib: “1989-cu ildə Azərbaycan Yazıçılar Birliyinin sədri Anar öz müsahibəsində demişdi ki, ermənilər mazoxistdirlər. Bu sözə görə o vaxt qalmaqal da qopmuşdu. Əgər Koçaryan seçkidə qalib gəlsə deməli Anarın 33 il əvvəl dedikləri düz imiş… Belə çıxacaq ki, biz Koçaryan nahaq daş atmışıq. Zor işlətmiş, xalqı qarət etmiş, ona əzab vermiş, 1 mart, 27 oktyabr gülləbaranının səbəbkarını necə dəstəkləmək olar?” Onun sözlərinə görə, ola bilsin Koçaryanın siyasəti bu mazoxist kəsimə hesablanıb^ “Əlbəttə, Ermənistanda mazoxistlər olacaq, amma bunlar çox azsaylı kütlədir. Mən inanmıram ki, Koçaryan parlamentə keçmək üçün kifayət qədər səs toplayacaq”.
Azərbaycandan Britaniyaya 14 milyon funt sterlinq “çirkli pul” gətirməkdə ittiham olunan ər-arvadın adları nəhayət açıqlana bilər. Bu iş üzrə Londonda davam etməkdə olan məhkəmə prosesinin gedişatı belə göstərir. Vanessa Bareytserin mayın 27-də verdiyi hökmə əsasən, Londonda yaşayan cütlüyün kimliyinin gizli saxlanmasının davam etdirilməsi “açıq ədalət” prinsipi ilə ziddiyyət təşkil edir. 14 milyon funt sterlinq 20 milyon dollar edir, bu qədər dolların nağd şəkildə ağırlığı isə 200 kiloqramdır. İngiltərənin əsas məhkəmələrindən biri olan Vestminister məhkəməsində həmin ər və arvadın adlarının açıqlanması üçün iddianı Britaniyada çıxan “The Evening Standard” qəzeti qaldırıb. Bu işin üstünü açmış Britaniya Milli Cinayət Agentliyi (NCA) də son mərhələdə iddiaçı tərəfin mövqeyinə qoşulub, adların açıqlanmasına çağırıb.
Rusiyalı politoloq, Geopolitik Ekspertizalar Mərkəzinin direktoru Valeri Korovin 24 mayda “Rossiya24” kanalına müsahibə verərək Belarusiyada məlum təyyarə insidenti və həbslərlə bağlı Rusiyanın rəsmi mövqeyi barədə öz fikrini bildirib. O qeyd edib ki, Rusiyanın hadisəyə münasibəti gözlənilən formatda olacaq: məsələ Belarusun daxili işidir və terroristi zərərsizləşdirmək hər bir dövlətin vəzifəsidir və s. “Rusiyanın hadisəyə reaksiyası tamamilə adekvat və məntiqə uyğundur. Düşünürəm ki, bu məsələ Belarusiyanın daxili işidir. Qoy məsələnin araşdırılması ilə Belarusun, Latviya və Litvanın aviasiya qurumları, avidaşımalara cavabdeh olan təşkilatları məşğul olsunlar. Daha doğrusu bu reaksiya Rusiyanın belə hadisələr baş verən zaman həmişə bildirdiyi tipik, standart reaksiyadır. Avropa dövlətlərinin reaksiyası haqqında isə bunu demək olmaz. Onların reaksiyası siyasidir, həmin dövlətlərin rəhbərlərinin ABŞ-a sadiqliyinə və ABŞ-ın geopolitik layihələrinin həyata keçirilməsi prioritetinə əsaslanıb.
Tanınmış ictimai-siyasi xadim Hacı Əbdülün Xural TV-yə qalmaqallı müsahibəsini sizə tədqim edirik.
– Hacı, üzr istəyirəm, aradan bu qədər illər keçib. Siz bu haqda harasa danışmısınızmı? Bu, çox dəhşətli bir açıqlamadır. Yəni Qatır Məmməd deyib ki, “Tamerlan Qarayev dedi ki, “buradan təyyarə keçəcək…” – “Erməni vertolyotu…”
– “…Erməni vertolyotu… Onu vurun, içindəki adamları da öldürün…”? – “…bir nəfəri də sağ buraxmayın, biçin…”
– Bu dəhşətli bir şeydir. Azərbaycan siyasi tarixini dəyişən bir açıqlamadır. – Mən sənə ardını danışım bu dəhşətin? Dalını danışım, sən dəhşətin birini də burada gör. Mən türmədə olanda rəhmətlik Heydər Əliyev hakimiyyətə gəldi. Mən türmədə yatırdım. Sabahıma da ümid yoxdur.
“Restoranlarda konsert mədəniyyətinin yaranması sevindirici haldır. İnsanlar ora sadəcə yeyib-içmək və oynamaq niyyətilə gəlməməlidir. Əsl musiqi tərənnüm olunmalıdır ki, insanların ruhu dincəlsin. Amma C kateqoriyalı türk ifaçılarının Azərbaycana ayaq açması və buradan böyük pullar aparması çox acınacaqlı haldır. Özümüzün çox güclü sənətçilərimiz var. Onların C kateqoriyalı ifaçıları potensialım qarşısında heç nədir. Nə güclü səsləri, nə sənətləri, nə də maraqlı bir çıxışları var”. Bu sözləri publika.az-a Əməkdar artist Rəşad İlyasov deyib. Rəşad İlyasov bildirib ki, Türkiyədən bura gələnlərin çoxu zəif səs sahibləridir: “Türk musiqisində çox önəmli olan insanlar var. Müasir dövrün müğənniləri arasında da gözəl səsi və səhnəsi olanlar az deyil. Onlar xaric oxumur, ifasında da qüsur tapa bilməzsən. Məyus oluram ki, belə güclü sənətçilər deyil, oxuya bilməyənlər bizim restoranlarda səhnəyə çıxır.
Azərbaycan Cümhuriyyəti tarixindən danışarkən çox səhvlərə yol vermiş oluruq ki, onlardan bəzilərinə nəzər salaq. İlk öncə bilməliyik ki, Nuru paşa rəhbərliyindəki Osmanlı ordusu Bakını azad etməyə yox, işğala, Bakı neftini ələ keçirməyə gəlmişdi. Çünki Birinci Dünya Müharibəsində Osmanlı neftlə zəngin Yaxın Şərq ərazilərin (Suriya, İraq və s) itirmişdi. Buna görə də Bakı (Abşeron) nefti Osmanlı üçün vacib əhəmiyyət daşıyırdı. Məntiqlə düşünün. İrəvan şəhəri Türkiyə ərazisinə daha yaxındır, nəinki Bakı. Əgər Nuru paşanın məqsədi Bakını azad etmək idisə, nədən Osmanlı sərhədinə yaxın yerləşən və Osmanlının təzyiqi ilə ermənilərə verilən İrəvan şəhərini azad etmədi? Nuru paşanın 70-80 km-lik məsafədə olan İrəvanı azad etməyib, 800-900 km uzaqda yerləşən Bakını azad etməsinə inanmaq sadəlövhlükdür.
|
Əvvəlki səhifə 