XEYİRLƏ ŞƏR ÇARPIŞIR

Şirinxanım Kərimbəyli ŞADİMAN

Bu dünyada xeyirlə şər çarpışır,
Yaxşı adam şərə ürcah olmasın.
Doğulandan insan canla yarışır,
Can içində ağrı-acı qalmasın.

Gün ərzində min bir üzü görürük,
Xeyir şərlə birgə ömür sürürük,
Zəkamızın əkdiyini dəririk,
Ömür bağı tez saralıb solmasın.

Həyat özü imtahana çəkəndi, 
Sualları üstümüzə tökəndi,
Can sarayın uçurdandı, tikəndi,
Dəryalar tək qabarmasın, dolmasın.

Hər kəs özün özlüyündə haqq sayır,
İçi görmək müşkül, deyil çöl-bayır,
Bir çoxunun basıb könlün ot-çayır,
Kimsə şəri öz yolunda bulmasın.

Zamanədən hamı çəkir dad-aman,
İnsan özü törədəndi pis-yaman,
Vicdan ilə bağlayanda əhd-peyman,
Heç kəs haqqı qəlbdən yerə salmasın.

Ürəyinə kin-küdurət yükləyən,
Özü yükkən başqasına yük deyən,
Göylə gəzib yerə düşüb bərk dəyən,
Nahaq yerə boş xəyala dalmasın.

Şadimanı çəkdi zaman sınağa,
Bir çoxları mehman etdi qınağa,
Dünya şahid insan adlı qonağa,
İlan, əqrəb olub ürək çalmasın.
шаблоны для dle 11.2
03-07-2021 15:56 Baxılıb: 870    
Şərh bildir
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
yenilə, əgər kod görünmürsə
{sape_links}{sape_article}