Deyerler.org xəbər verir ki, məlumatı Fələstin Səhiyyə Nazirliyi sözçüsü Əşrəf el-Kudra Anadoluya açıqlamasında bildirib. Xan Yunus və Qəzza şəhərlərinin hər birində 3 fələstinlinin həlak olduğunu qeyd edən Kudra, yaralılardan 10-nun vəziyyətinin ağır olduğunu, onlarla şəxsin də sionist İsrail əsgərlərinin istifadə etdiyi göz yaşardıcı qazdan zəhərlənərək xəstəxanaya çatdırıldığını bildirib. Kudra Qəzzadakı xəstəxanaların baş verən hadisələr səbəbiylə fövqəladə vəziyyət elan etdiyini bildirərək, deyib: "Tibbi briqadalar, sanitar maşınlar və reanimasiya bölmələri təcili vəziyyətə keçdi". Kudra, sionist İsrail rejiminin başından, boynundan və sinəsindən vurmaqla qəsdən fələstinliləri öldürərək "məhv" etmək istədiyini qeyd edib.