"Əli Kərimli hakimiyyətdən ayda 50 min pul alıb"

“Mən özüm çıxdığım bütün televiziya kanallarında deyirəm ki, Əli Kərimlini debata dəvət edirəm”.
Demokrat.az xəbər verir ki, bu sözləri TV Müsavatın “Canlı debat” verilişinə qonaq olan Azərbaycan Demokrat Partiyasının sədri Sərdar Cəlaloğlu deyib. Onun sözlərinə görə, qonağı olduğu bütün onlayn telekanallarda ona Ə.Kərimlinin canlı efirə gəlmədiyi bildirilib: “Səni onlayn TV-lər öz efirinə dəvət edəndə gəlmirsənsə, bunun internetə nə aidiyyatı var? Gəlsin burada çıxış etsin və getsin. Nəyini kəsəcəklər ki? Kim onun internetini kəsəcək? Kiməsə nəyə görə elə gəlir ki, Əli Kərimli gəlib çıxış etsə, qeyri-adi nəsə deyəcək. O uzaqbaşı gəlib birinci şəxs haqqında danışacaq və radikal ifadələr deyəcək. Onu biz də deyirik. “Ona görə də internetim kəsilib” deyərək, səni dəvət edən kanallara da “getmirəm” demək doğru deyil. Mənim internetim kəsilməyib. Heç Əli Kərimlinin də interneti kəsilməyib. Hər gün Osmanqızına, Qənimət Zahidə müsahibə verir. Harada kəsilib onun interneti? Bu söhbətləri edib kimlərisə şübhə altına almaq nəyə lazımdır? Azərbaycanda hansı müxalifət nümayəndəsi gəlib bu studiyada çıxış edə bilmir ki?”
S.Cəlaloğlu hesab edir ki, Ə.Kərimlinin bu cür davranışı onun komplekslərindən irəli gəlir. Müsahibimizin sözlərinə görə, AXCP sədrinin davranışları ilə ermənilərin özlərini məzlum xalq kimi təqdim etməsi arasında bir bənzərlik var: “Kompleksə girmək lazım deyil. Necə ki, ermənilər özlərini döyülən, əzilən, məzlum xalq kimi təqdim edir, bu da özünü Azərbaycanda döyülən, söyülən, bir nömrəli, məhrumiyyətlərə düçar olan lider kimi təqdim edir. Qoy bu rolu oynasın da. Qoy hamı desin ki, Əli Kərimli yeganə müxalifət lideridir, yalnız o Azərbaycanı xilas edə bilər, iqtidar ancaq ona qarşı mübarizə apara bilər. Mənə niyə narahatlıq yarada bilər ki?”
O eyni zamanda Prezident Administrasiyasındakı görüşdə iştirak edən müxalifət liderləri barədə Milli Şuranın "Zoom" konfransında səsləndirilən təhqiramiz ifadələrə, eyni zamanda AXCP rəhbərliyinin bu görüşdə iştirak edənləri aşağılamasına da münasibət bildirib: “Əgər Prezident Administrasiyasındakı görüş pis hərəkətdirsə, bundan qabaqkı illərdə görüşüb, 6-7 dəfə seçilməyə-seçilməyə mandat alıb, parlamentdə oturmaq nə deməkdir? Hakimiyyətindən ayda 50 min pul alıb, Azərbaycanın aparıcı müxalifəti olmaq nə deməkdir? Bir danışığa görə əgər bir cavan siyasətçini söyüb təhqir edirsənsə, 10 il boyunca nələr etdiyini də biz bilirik. Bu nə deməkdir? Axı belə olmaz. Sən bu yolu gedibsən, Azərbaycanda bu yolun əsasını ilk dəfə sən qoyubsan. Asim Mollazadə, Cəmil Həsənli, Qüdrət Həsənquliyev vasitəsilə kimdən nə qədər alıb, qarşılığında nə etmisən, bunu bütün Azərbaycan bilir. İlqar Məmmədovun Prezident Administrasiyasında görüşü onda niyə qıcıq doğurmalıdır axı? Biz eyni cür düşünsəydik, eyni partiyada olardıq. Bu fərqlilik odur ki, Tural Abbaslı hesab edir ki, hökumətlə danışıq aparmaq lazımdır. Sənsə hesab edirsən ki, görüşmək lazım deyil. Fərqli prinsipə görə niyə mübahisə edirsən ki?”
S.Cəlaloğlu, eyni zamanda Cəmil Həsənlinin də görüşə gedən müxalifətçilər barədə dediyi təhqiramiz sözlərə cavab verib: “Ay Cəmil Həsənli, sən mandat alandan sonra, mandatdan imtina etmək əvəzinə, AXCP-dən də imtina etdin, Əli Kərimlidən də. Getdin oturdun parlamentdə. Sən camaata əxlaqdan dərs demə də, qardaşım... Sənin nümunən budur. Sən müxalifətdən imtina etdin. İndi sənə mandat verilməyib deyə olmusan xalq qəhrəmanı? Camaata ağzına gələni danışırsan. Bizim alimimiz bu cür ritorikaya malikdirsə, çobanından nə gözləyək? Yüksək mədəniyyət, əxlaq nümayiş etdir, danışığına fikir ver. O məsələlərdən sən “5” alıbsan, gəlib “2” alana lağ edirsən?”
шаблоны для dle 11.2
10-07-2020 01:35 Baxılıb: 4590    
Şərh bildir
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
yenilə, əgər kod görünmürsə
{sape_links}{sape_article}