Amerikalı əsgər İraqda törətdikləri dəhşətli cinayətləri belə etiraf etdi – Şok faktlar

ABŞ-ın İraqda törətdiyi dəhşətləri amerikalı əsgər Con Törner etiraf edib.
İslaminSesi xəbər verir ki, Con Törner 18 aprel 2006-cı ildə ilk cinayətini törətdiyini etiraf edib. O, ABŞ-ın İraqda törətdiyi vəhşiliklər haqda keçirdiyi mətbuat konfransında açıqlayıb.
Amerikalı əsgər bildirib ki, öldürdüyü şəxsin adını bilməsə də, onun günahsız olduğuna dəqiq əmin idi: “ Həmin şəxs evinə tərəf gedərkən, onu atası və dostlarının gözləri önündə güllələdim. Ona atdığım birinci güllə boğazına dəysə də ölmədi. İkinci gülləni atmaq istəyərkən gözlərimin içinə baxdı. Mən də bu zaman öz əsgər yoldaşıma tərəf baxdım və dedim: “ Belə olmaz”. Təkrar tətiyi çəkdim və onu öldürdüm. Ailəsi onun cəsədini daşıdı”.
Con Törner əlavə edib ki, törətdikləri ilk cinayətdən sonra onları təbrik ediblər: “Bölük komandirim məni şəxsən təbrik etdi. O bizə dedi ki, əgər iraqlıları bıçaqla ödürsək, ABŞ-a döndükdən sonra 4 gün məzuniyyət veriləcək. Beləcə daha 3 nəfəri öldürdüm. Bizim əsgərlərdən kimsə həlak olanda, hirsimizi günahsız insanları öldürməklə çıxırdıq”.
Con Törner məscidlərə atəş açmağın qadağan olunduğunu bildirib: “Bizə deyilmişdi ki, məsciddən sizə atəş açılmadığı təqdirdə biz də avtomatdan istifadə etməyək. Lakin biz qaydanı pozur və məscidləri də atəşə tuturduq”.
Amerikalı əsgər kütlə önündə hərbi geyimini və nişanı tullayaraq bu sözləri deyib: “Artıq sizinlə işləmirəm”.

10-08-2018 09:30 Baxılıb: 1870    
Şərh bildir